Hofsós

,,Kyrrð og friður”

Frábær staður fyrir þá sem vilja slaka á og hafa það huggulegt.

Tjaldsvæðið er staðsett við hliðina á grunnskólanum á Hofsósi.

Aðstaða

Skjólgott tjaldsvæði með rafmagni með nýju aðstöðuhúsi, köldu og heitu vatni, sturtu og klósettlosun fyrir húsbíla. Stutt er í nýju, margverðlaunuðu sundlaugina á Hofsósi. Gaman er að skella sér í siglingu um eyjarnar eða í sjóstöng með www.hafogland.is (en þeir bjóða uppá daglegar ferðir tvisvar á dag),  sundlaugina á Hofsósi, fá sér Fjóluís á Lónkoti, kíkja í Vesturfarasetrið eða fá sér að borða á Sólvík, já eða ganga í Þórðarhöfða sem er stórkostleg upplifun.. Upplýsingar um hvað hægt er að gera í Skagafirði er að finna á www.visitskagafjordur.is.

Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum fjórum tjaldsvæðum og fá þá lægra verð næstu nótt á eftir á einhverju af hinum tjaldsvæðunum.  Nauðsynlegt er að framvísu greiðslukvittun af fyrra tjaldsvæði.

Annað

Í júní verður haldin hin árlega Jónsmessuhátíð á Hofsósi. Hátíðin er vel sótt og miðuð að þörfum fjölskyldufólks. Sýningar, gönguferðir, böll, grillveisla, kjötsúpuveisla og vöfflukaffi er meðal þess sem í boði er.